عاجل 25 جنيهًا سعر صرف كوبونات البنزين من إدارة المرور أول يوليو

عاجل 25 جنيهًا سعر صرف كوبونات البنزين من إدارة المرور أول يوليو

هام تطبيق نظام كروت البنزين من الشهر المقبل وطريقة توزيع الكروت

عاجل 25 جنيهًا سعر صرف كوبونات البنزين من إدارة المرور أول يوليو

عاجل 25 جنيهًا سعر صرف كوبونات البنزين من إدارة المرور أول يوليو
قال المهندس أسامة كمال، وزير البترول والثروة المعدنية، إن الخطة المعدلة، التى قدمتها الوزارة لمجلس الوزراء، تتضمن بيع كوبونات لمالكى السيارات المستخدمة للبنزين عند الترخيص أو التجديد السنوى، بقيمة 25 جنيهاً للكوبون، مقابل استهلاك نمطى سنوى للمستهلك العادى بالقيمة الحالية لأسعار البنزين، وأن ما يزيد على هذا الاستهلاك، سيباع بسعر مختلف تحدده وزارة المالية، وفقاً لأسعار التكلفة لكل نوع بنزين.

ولفت الوزير إلى أن بيع البنزين أو السولار غير المدعم، تحدد بطرق مختلفة، منها منح السيارة التى تستنفد رصيدها من الكوبونات دعماً جزئياً حتى 50% من الاستهلاك الجديد. وأوضح أنه بمجرد بدء العمل بالكوبون، ستراجع هيئة البترول أسعار وكميات السولار المدعمة جزئياً، لتعديلها بما يتناسب مع الحالة الاجتماعية والاقتصادية كل فترة. وأوضح الوزير أن السعر النهائى المحرر، سيعلن عقب انتهاء لجنة ترشيد الدعم من مراجعة الحجم الحقيقى لاستهلاك كل سيارة، وفقاً لعدد الكليومترات التى تستهلكها، ومراعاة الطرق، للوفاء بالاستخدام النمطى لكل سيارة، والربط مع محطات توزيع وقود محددة بالسعر الحالى.

ونفى وزير البترول، زيادة أسعار البنزين والسولار، وطالب المواطنين باستخدام الكميات المعتادة لسياراتهم، مشيراً إلى أن غرض الشائعات إحداث بلبلة، تؤدى لاختناقات وتكدس بالمحطات، وظهور أزمات مفتعلة ليحقق تجار السوق السوداء ثروات، مؤكداً اتخاذ إجراءات رادعة تصل إلى إغلاق محطات الوقود وتحويل حصصها إلى محطات القوات المسلحة، حال إخفائها البنزين.

وفى نفس السياق، قال مصدر بوزارة البترول، إنه بمجرد العمل بنظام الكوبونات فى يوليو، على أصحاب السيارات المستحقة للدعم التوجه لإدارات المرور لتسلم الكوبونات عند تجديد ترخيص السيارة، على أن يحصل صاحب الرخصة السارية على الكوبونات للفترة المتبقية من العام. وأوضح أن تطبيق النظام الجديد يستهدف تخفيض المبالغ المخصصة لدعم البنزين بنحو 10 مليارات جنيه.

عن الوطن



12 ردود على عاجل 25 جنيهًا سعر صرف كوبونات البنزين من إدارة المرور أول يوليو

  1. محمود شحات يقول:

    فشل يليه فشل يمكن التوفير من وزارة سيادته توفير الحوافز المتعددة الاشكال وتقليل مبلغ نهاية الخدمة للعاملين بها والوجبات وكثير في هذه الوزارة هناك اخطاء كثيرة وبعدين بعد كل هذه المصاريف يقولوا البترول الدولة بدعمه بمبلغ وقدره كفاية حرام

  2. عمر رضا يقول:

    اللي فاهم حاجه يفهمنا

  3. بنتضرب علي قفانا يقول:

    ياجماعه كل اللي بيحصل ده برضه نصب وانتقام من الشعب الفقير الغلبان بدل مايحصلوا من الغلابه 25 جنيه من الملايين شوف هايبقي كام مليون بدل كده يبطلوا يصدروا الغاز بتاعنا اللي مع اسرائيل وقبرص ولا فلوسنا اللي منهوبه ومسروقه بره منكم لله ولسه مع كل طلعة شمس لسه بلدنا بتتسرق وبتتنهب من مافيا الكبار بتوع وزارة البترول والله العمولات اللي بياخدوها في وزارة البترول ومنهم الوزير لو منعوها والفلوس دي يتم انفاقها علي البلد مش هانشتكي من الفقر لكن كله بيسرق كله مفيش فايده الا بثوره حقيقيه تانيه لو كل مصر تنزل في يوم واحد والله الحكومه دي هاتتشال في نفس اليوم بس مصر تنزل كلها في يوم واحد لكن ياخساره قدروا علي الشعب بالجوع والخوف وسكتوه لكن انشاء الله ربنا هاينصر مصر من الاحتلال الاخواني

  4. زيزو يقول:

    المفروض ان الاخوان مسكو الحكم علي شان يعيشو البلد في رافهيه واستقرار وامن او علي الاقل يخلو الوضع زي مكان عليه ايام الرئيس حسني مبارك انما دول فاضل شويه ويبيعونا هدومنا والله الحاجه الوحيده الي مريحه ضميري شويه انتي منتخبتهمش كل يوم بيضورو ازاي سفشلو اكتر من اليوم الي قبله دول فشله في كل شي حتي الكلام والله دول فشله دول اخرهم فته ولحمه معندهمش حاجه اسمها سياسه غير الاغتيال هو ده مفهوم السياسه عندهم اما بالنسبه لطائر السنونو الملقب بالنهضه فده هو اكبر دليل علي فشل الاخوان

    • هانى السمرى يقول:

      الفتة و اللحمة الى بتقول عليهم دول هدفك انت و أمثالك اللى بيفكروا ببطونهم بس و لو أى حد بعتلك صينية فتة بالهبر هاتبقى من أشد مؤيديه و تعيش خدامه طول عمرك و بعدين سياسة الاغتيال الوهمية اللى بتزعمها كذبا” اتنفذت امتى و مع مين يا كذّاب دى أول مرة حد يقول النكتة الواطية دى و محصلتش حتى ولا من عصابة الخونة المأجورين الحقديبردعجاموسية اللى متزعمين جبهة التخريب و الارهاب و يبدو انها سياسة لا توجود الا فى خيالك المريض و لو بطلت البلاوى اللى بتبلبعها يبقى فيه أحتمال تفهم الأمور اللى بتجرى حولك فى مصر .

  5. ahmed eladawy يقول:

    ده كلام فارغ انا عمرى ما سمعت عن نظام بهذا السوء انا اولا مش فاهم حاجة ليه ادفع 25 جنيه من اساسه الموضوع ده لازم يتعرض على مجلس النواب اولا لان انا متأكد من طبيعة حكم عملى البلد حالها هيوقف اكتر لان فيه ناس شغلها لا يصلح معه هذه الكمية ابدا هيبقى موت وخراب ديار ارحموا من فى مصر يرحمكم من فى السماء الموضوع ده هيقطع عيش ناس كتير جدا وعلى فكرة الكوبونات ديه هتتباع فى السوق السوداء وابقوا قابلونى ويا ريت تحلوا المشكلة بعيد عن الشعب المطحون حرررررررررررررررررام كفاية كده

  6. الدعم النقدي
    أولا :1-الدعم النقدي مابين التكلفه الفعليه ورد مساهمه الدوله الي المواطنين مثلا الرغيف يتكلف 25 قرشا ويباع 5قروش فالفرق عشرون قرش 20 يفتح حساب بالرقم القومي بمعرفة الشئون الاجتماعية في اقرب مكتب بريد وسيتوفر مجهود مفتشي التموين وما يتكفه شئون اداريه واضافي وسيارات وشرطه تموين و تهريب اجوله الدقيق من التموين الي مخابز الحلويات وماملات واكثر المواطنين لايحصلون علي حصتهم الحصه التموينيه يصرف مابين السعر المباع وماتدعمه الدوله يضاف كل السلع المدعمه الفرق مابين التكلفه ومساهمه الدوله ….الخ

    وزاره التموين
    نناشد بفصل الدعم النقدي للمستحقين وفصله الدعم للمواطنين وتوفير الرقابه التموينيه .
    1- عمل حساب بدفتر الوفير طبقا للرقم القومي لكل المواطنين دخله اقل من الف جنيه شهريا .
    2- استكمال بطاقه الكترونيه لكل المواطنين .
    3- انشاء جمعيات تعاونيه لكل منطقه وتحوبل كل الجمعيات الاستهلاكيه بتحويل ملكيتها لكل منطقه باسهم متساويه لكل دخله أقل من الف جنيه شهريا .
    4- انشاء شركات للتجارة الجمله ونصف جمله تتبع الدوله ويساهم فيها المواطنين .
    5- انشاء اسواق للجمله بكل حي مثل باب اللوق والعتبه وباب الحديد يمد كل حي باحتياجاته .
    6- انشاء شركه للنقل السريع بكل حي بين سوق الجمله المحلي ومراكز الانتاج .
    التسعيرة الجبريه لكل الاحتياجات
    مثلا رغيف الخبز كزا نوع وكل نوع حسب تكلفته وهامش الربح والمواطن حريه الاختيار مابين التوعيه ومقدرته الماليه2- وللدوله الرقابه الفعليه واللجان الشعبية 3- عمل جمعيات تعاونيه مابين كل حي لي حده باسهم تحت رقابتهم وربحها لهم وخسارتها عليهم فهي لصالحهم وخدمتهم

  7. محب لمصر يقول:

    ياأهل مصر أرجو ألا ننساق خلف أي إشاعة , لأن الإنسان الخفيف _خفيف العقل والتفكير_ ينفعل بدون التفكير فيما يسمعه , أرجو أن يحاول كل فرد أن يفكر في حل هذه المشاكل , لا أن يولول ويشتكي

  8. ايمن فايد يقول:

    حالة زيادة اسعار الوقود ارضاء لصندوق النقد الدولى برفع الدعم سوف يؤدى الى
    اغلاق مصر و غرقها انا شايف اوافق على تاجير الاثار خمس سنوات ب 200 مليون دولار
    ولا استلف من الصندوق واغرق مصر احذروا مصر بتضيع وخلى كلامنا لوجه الله وحدة
    احذروا مصر بتضيع وفعلا انا اسف يا مبارك كنا بنتسرق لكن كنا بناكل و نشرب
    الان مازلنا بنتسرق وداخلين على مجاعة ، لله وحدة الدكتور مرسى شخصية محترمة غير جديرة
    بالحكم اتركها من نفسك يا دكتور لانك سوف تسأل عن هلاك 90 مليون، والله انا انتخبت مرسى وقلت نعم للدستور

    • هانى السمرى يقول:

      بعد كل السرقة و النهب و الفساد الذى لم نسمع عن مثيله فى أى دولة فى العالم و ما زلت تتكلم عن المخلوع بهذه الحنية و تدعى أننا كنا نأكل ونشرب بل و تطلب من الرئيس محمد مرسى المحترم وفق كلامك أن يترك الحكم !!! أى تناقض هذا الذى يتساقط منك و تفوح منه رائحة الفلولية النتنة تزكم الأنوف ؟!!! حقا”هو أمر مؤسف أن يكون فى مصر أمثالك الذين لا يهمهم الا أن يملئوا بطونهم فقط و لا يهمهم كيف و لا من أين فحقا” كنا نأكل و نشرب و لكن بشق الأنفس و الدين و كانت بلدنا مرهونة و خيراتها منهوبة و النفايات النووية و الخطرة تملأ أرضنا و المبيدات المحظورة دوليا” تملأ حقولنا تنشر الأمراض الفتاكة بيننا و كرامة الوطن منتهكة بالذل و الخضوع لصالح أعدائنا و كرامة المواطنين منتهكة بواسطة أدوات القمع المختلفة و أولها المخابرات العامة و مباحث أمن الدولة و عندما منّ الله علينا بالحرية و جاء لنا من شهد له الجميع بالتدين و الاحترام و التقوى نطلب منه التخلى عن الحكم!! لا أجد لك شبيها” سوى العبيد أيام زمان حيث كان العبد يعتق و يصبح حرا” و مع ذلك يظل ملازما” لسيده لأنه يطعمه دون أى جهد يبذله ولا يهمه من أين و لا كيف وللأسف الشديد فهذه النوعية مازالت موجودة الى الآن انهم عبيد و سيظلون عبيد مدى حياتهم .

  9. حسام يقول:

    للاخ اللى بيمدح فى الرئيس مرسى تقدر تقول سيادتكم بتشتغل ايه ودخلك كام وياريت تكون صادق فى كلامك وحاول لما تنقد احد كن لبقا حتى لاتجرح احد هذا من شيمه ديننا الحنيف وشيمه رسول الله مرسى ليس نبيا حتى لا ينتقده احد فهو بشر يخطأ ويصيب ولو عندك ادلة على ان مصر مرهونة او بيها نفايات قدم الاوراق الدالة على ذلك للرئيس مرسى علشان يفك الرهنية ويشيل النفايات من البلد ولا هو كلام وخلاص عبنا طيب انا هشهدك شهادة هل اللى بيحصل ده من ارتفاع فى اسعار السلع والحروقات يرضيك سيادتك عارف ان اسعار المحروقات لما ترتفع يرتفع معها كل شئ هل ده وقت مناسب لذلك . ولا ده شروط لصندوق النقد . ولما الاقتراض حرام ليه الرئيس بيقترض متقليش ان الضروريات تبيح المحظورات .
    مصر فيها خيرات كثيرة بس محدش عارف يستغللها .
    مصر مش محتاجة رجل سياسة مصر محتاجة رجل اقتصادى قادر على التفكير على العطاء ليس مسيس خادم لشعب يلبى احتاجاته. ولا انت رايك ايه.

  10. وائل مختار يقول:

    ثوره الجياع قادمه

اترك تعليقاً

لن يتم نشر عنوان بريدك الإلكتروني.

يمكنك استخدام HTML كعلامات ووسوم: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>