الفن المسماري - حقائق تاريخية - موضوع متجدد - نايل موتورز

Goodle · 23-06-2008, 02:10 PM

الموضوع ده أوحى لي بيه موضوع: هل تم تجريح عربيتك عن قصد؟

http://www.nilemotors.net/Nile/27091-a-post323309.html

ومن مشاركاتي بيه طلع في دماغي مصطلح الفن المسماري المتعلق بتجريح العربية من اللي إلهي ينشكوا في إيديهم ورجلهم وعينيهم (وسائر الأعضاء الداخلية والخارجية) اللي بيجرحوا العربيات على سبيل التسلية البريئة..

وطقت في دماغي إني أشرحلكم تاريخ هذا الفن وأعرفك أصوله ومعلومات عنه (ده طبعا عشان أنا موسوعة.. وده تواضع العلماء) :) :)

يطلق على هذا النوع الفن اسم "الفن المسماري" .. نسبة للمسمار اللي الواد "بصلة" بيمسكه وهو بيكحت في أم الصاج..
ويظن المؤرخون أنا الفن المسماري نشأ فيذ عصر الكتابة المسمارية في بلاد النهرين وإبان ابتكار العجلات الحربية في مصر القديمة :) :)

وبالنسبة لأصول الفن المسماري فهي ما حدش من اللي بره مصر يقدر يتحايل وينسبها لنفسه. لأن الأصول دي "متمسمرة" في الوجدان المصري.. وزي ما كلنا عارف... التعليم في الصغر.. كالكحت في الصاج..

فليسمح لي قرائي الأعزاء بإفراد الفقرة التالية لنبذة عن تاريخ هذا الفن:
كنا قد شرحنا أحد رواد هذا الفن الذي لم يندثر... وجدير بالذكر أن مدرسة "الواد بصلة" تعد واحدة من المدارس للفن المسماري. وأساس هذه الحركة الفنية مسمار (يتراوح عادة مابين 3 ملم و8 ملم... عشان يملك يمسكه حلو).. ويتراوح عمر الفنان الناشئ ما بين الثمان سنوات والإثنى عش سنة (مطينين على دماغه هو واللي علمه الفن ده)

ولا تتقيد أسس مدرسة "الواد بصله" بموديل معين للسيارة لتكون لوحته الجديدة، بقدر ما تميل لاختيار شارع معين أو منطقة سكنية بأكملها لتكون ساحة للوحاته الصاجية (أو ما درج نقاد هذا الفن على تسميتها بالصاجيات (حاجة زي الجداريات كده..بس على الصاج).

ومن ضمن المدارس الأخرى لهذا الفن الأصيل، مدرسة "البوب الشنكوت"
ولهذا حديث آخر.. في الحلقة القادمة..

=====يرجى الذهاب للصفحات التالية لقراءة المزيد عن هذا الفن المزدهر.. وذلك ضمن الردود على أسئلة السادة القراء=====

kh_talaat · 23-06-2008, 02:24 PM

ياه دة الفن المسماري دة طلع فن عرييييييق

rahwan · 23-06-2008, 02:25 PM


	المشاركة الأصلية كتبت بواسطة Goodle


	الموضوع ده أوحى لي بيه موضوع: هل تم تجريح عربيتك عن قصد؟ http://www.nilemotors.net/Nile/showthread.php?p=323309 ومن مشاركاتي بيه طلع في دماغي مصطلح الفن المسماري المتعلق بتجريح العربية من اللي إلهي ينشكوا في إيديهم ورجلهم وعينيهم (وسائر الأعضاء الداخلية والخارجية) اللي بيجرحوا العربيات على سبيل التسلية البريئة.. وطقت في دماغي إني أشرحلكم تاريخ هذا الفن وأعرفك أصوله ومعلومات عنه (ده طبعا عشان أنا موسوعة.. وده تواضع العلماء) :) :) يطلق على هذا النوع الفن اسم "الفن المسماري" .. نسبة للمسمار اللي الواد "بصلة" بيمسكه وهو بيكحت في أم الصاج.. ويظن المؤرخون أنا الفن المسماري نشأ فيذ عصر الكتابة المسمارية في بلاد النهرين وإبان ابتكار العجلات الحربية في مصر القديمة :) :) وبالنسبة لأصول الفن المسماري فهي ما حدش من اللي بره مصر يقدر يتحايل وينسبها لنفسه. لأن الأصول دي "متمسمرة" في الوجدان المصري.. وزي ما كلنا عارف... التعليم في الصغر.. كالكحت في الصاج.. فليسمح لي قرائي الأعزاء بإفراد الفقرة التالية لنبذة عن تاريخ هذا الفن: كنا قد شرحنا أحد رواد هذا الفن الذي لم يندثر... وجدير بالذكر أن مدرسة "الواد بصلة" تعد واحدة من المدارس للفن المسماري. وأساس هذه الحركة الفنية مسمار (يتراوح عادة مابين 3 ملم و8 ملم... عشان يملك يمسكه حلو).. ويتراوح عمر الفنان الناشئ ما بين الثمان سنوات والإثنى عش سنة (مطينين على دماغه هو واللي علمه الفن ده) ولا تتقيد أسس مدرسة "الواد بصله" بموديل معين للسيارة لتكون لوحته الجديدة، بقدر ما تميل لاختيار شارع معين أو منطقة سكنية بأكملها لتكون ساحة للوحاته الصاجية (أو ما درج نقاد هذا الفن على تسميتها بالصاجيات (حاجة زي الجداريات كده..بس على الصاج). ومن ضمن المدارس الأخرى لهذا الفن الأصيل، مدرسة "البوب الشنكوت" ولهذا حديث آخر.. في الحلقة القادمة.. تابعونا :)

يا ريت يا باشا تدينا نبذه عن مدى تأثر الحضارات المجاورة بالتجربة الرائدة للواد بصلة

youssef_sallam · 23-06-2008, 02:29 PM

هوة ده الفن الأصل اللى كل الأعمار بتشتكى منة
مش حنسى و احد عمل معاياالفن المسماري ده كتب اسمة و اسم حبيبتة و رسم قلب و سهم و كتب التاريخ

Goodle · 23-06-2008, 02:39 PM


	المشاركة الأصلية كتبت بواسطة kh_talaat


	ياه دة الفن المسماري دة طلع فن عرييييييق

أومال يا باشا.... ده فن موغل في القدم..

ده من أيام ممالك بابل و"عاشور" ... والمسلات اللي في معابد الفراعنة هي اللي أوحت للفنان المسماري القديم بشكل الريشة المستخدمة في هذا الفن (المسمار المدبب)
الله يرحم الباشمهندز أحمس والمعلم مينا ومعاهم رمسيس هيلتون.. نيههههه... حلوة :)

islambana · 23-06-2008, 02:55 PM

كويس اني قريت الموضوع ده دلوقتي اصلي رايح معرض للفن المسماري علي اول شارعنا وفي مجموعه اعمال تحفه

Goodle · 23-06-2008, 03:21 PM


	المشاركة الأصلية كتبت بواسطة islambana


	كويس اني قريت الموضوع ده دلوقتي اصلي رايح معرض للفن المسماري علي اول شارعنا وفي مجموعه اعمال تحفه

طيب ياريت لو تقدر إن حضرتك تحكيلنا على مجموعة الصاجيات اللي بتعدي عليها..
ونوعدك بإننا (دي "نحن" بتاعة تواضع العلماء) نعرض نقد لكل عمل على حدة :)

شكرا لمراسلنا إسلام من ساحة الصاجيات.. وسنواليكم بالأخبار

mohamed_88sk · 23-06-2008, 03:41 PM

متهيألي في مغلوطة تاريخية بالنسبة للفن المسماري يقول بعض المؤرخين أن أصولة ترجع إلى زمن ما قبل موبينيل (ق.م) وفعلا كان رائد تلك المدرسة الواد بصلة والذي تتلمذ على يديه الممسمر الكبير (زقلوط) ويقول المؤرخون عن زقلوط أنه التلميذ الذي تفوق على أستاذه ......
ثم تتوالى وتتعاقب الأزمان وتتوالى معها تميز وأنفراد الفن المسماري بإحتلال المراكز والمراتب الأولى حتى أنها في وقتنا الحالي ومن سعة إنتشار ذلك الفن الممتع قد لا تجد أي من السيارات (وهي ألات تم أختراعها من قبل شخص يدعى بنز) إلا وتتواجد عليها منحوتات ولوحات مسمارية متميزة ومبدعة وقد ضهرت قمة أبداع الفن المسماري في أنتشاره أنه وصل إلى كل الفئات الطبقية والعمرية مما يدل أن الشعب المصري منذ قديم الأذل وقبل موبينيل وهو محب لذلك الفن ....
:::::::::::::::::::::::::::::::::::::::::::::::::: :::::
ويا رب إرحمنا من ده فن لأن الناس خلاص قربوا يبقوا يباتوا عند السمكرية .....
مشكور يا أستاذ محمد عبد الجواد على الموضوع الرائع ده وأعذرني معرفتش أرد عليك في اللينكات التانيه بتاعة الموضوع المسماري لأني كنت بخلص مشاوير كده طول اليوم أمبارح وراجع مهدود ونمت قتيل لسه صاحي وقلت أرد هنا لأنه حيبقى أشمل وأعم ...
جزاك الله خير وتقبل خالص مودتي .

Goodle · 23-06-2008, 03:47 PM


	المشاركة الأصلية كتبت بواسطة rahwan


	يا ريت يا باشا تدينا نبذه عن مدى تأثر الحضارات المجاورة بالتجربة الرائدة للواد بصلة

حاضر يا باشا من عينيا... تابعنا في الحلقات القادمة

mohamed_88sk · 23-06-2008, 03:58 PM

أعذروني لأن قد يجد البعض أختلاف في بعض المواضيع بأني ذكرت أسم زقلوط و زقلط وذاك الأسمان لنفس الشخص
وهنا وجب التنويه لأن في الصاجيات والحفريات القديمة لتلك الفترة لذلك المبدع قد وجد توقيعه بذلك الأسمان ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

اخر مواضيع المنتدى