كل شيئ عن الكاوتش بالصور والأرقام

كل شيئ عن الكاوتش بالصور والأرقام

كاوتش

–  من مساهمات الأعضاء  — عصام غنايم

كل شيئ عن الكاوتش بالصور والأرقام

الكاوتش اهم واخطر جزء فى السياره وتقريباٌ 70 % من حوادث السيارات سببها مشاكل فى الكاوتش وده لأنه الجزء الوحيد من السياره اللى متصل بالأرض

ولخطورة وأهميه الكاوتش حبيت اعمل موضوع بسيط اوى عن ازاى تنقى كاوتش جديد وازاى يكون مناسب لسيارتك ويرفع من آدائها ( تماسك على الطريق , مسافة توقف , اتزان ) مش يقلل منه

اكيد قبل كل شىء لازم نلتزم بالمقاسات اللى مقررها صانع السياره ليها ودى بتبقى موجوده على آيم السياره بتاع السواق او فى درج التابلوه او فى غطاء تانك البنزين الخارجى من جوه وطبعاٌ موجوده فى الكاتلوج الخاص بالسياره

طبعاٌ كلنا عارفين ان اللعب فى المقاسات بيؤدى الى خلل كبير فى آداء السياره وايضاٌ فى قرائات العدادات والأهم من كده بيخل آداء الفرامل وكمان بيفرق فى استهلاك البنزين

بس اذاى الكلام ده

لو فرضنا ان مقاس العربيه الآصلى 1856014

لو حبينا نغير هنلتزم بالمقاس

طيب لو غيرنا وجبنا مقاس 1956014 ايه اللى يحصل

اولاٌ ارتفاع العربيه الأجمالى هيزيد 0.6 سم

ثانياٌ قارية العدادات هتختل يعنى لما العداد يقرا سرعتك 100 كيلو هتكون سرعتك الحقيقيه 105 تقريباٌ

طيب لو حبينا نعمل UP GRADE للعربيه

يعنى هنفترض ان مقاس العربيه الأصلى 1757013 زى اغلب العربيات ( فيرنا , لانوس ) وهنغير جنوط نحط مقاس كام

اولاٌ 1856014 وده متوازن آداء معقول وراحه معقوله فى المشى

ثانياٌ 1955015 وده زياده آداء وناقص راحه بس ماشى الحال

ثالثا 2054016 وده غير مقبول وخاصه مع شوارعنا الجميله

يعنى نحاول دايماٌ ان ارتفاع جانب الأطار ميقلش بأى حال من الأحوال عن 10 سم

طيب كتير هيقولى تأثير الجنوط ايه على العفشه

وهل فيها ضرر ؟

ممكن واحد مركب مقاس 1955015 والعفشه معاه ممتازه ومفيش اى مشكله

وواحد تانى مركب نفس المقاس وتلاقيه كل يوم بيربط فى العفشه والدنيا بايظه معاه والكاوتش بيحك فى الفجاوى اللى وراه مع اى مطب

ايه الفرق ؟

الفرق هنا فى الرقم السحرى ال ET

ما هو ال ET ؟؟؟

هو الرقم الذى يبين خروج ودخول الجنط من جسم السياره

ومدى التحرك الآمن لينا مع تركيب الجنط السبور هو ( – 10 )

يعنى لو الجنط الأصلى رقم ال ET ليه هو 49 ( دايو لانوس )

يبقى ممكن نركب جنط اسبور رقم ال ET ليه 39 بحد اقصى

وده معناه الجنط والكاوتش خرجوا بره 10 مم او 1 سم

غير كده العفشه هتزعل وانت كمان هتزعل

الصوره دى بتوضح مكان الرقم فى الجنط الحديد الأصلى للسياره

والصوره دى بتوضح مكانه فى الجنط الأسبور

علشان نفهم اكتر هنبص على الصوره الجايه
اللى هتوضحلنا كل الرموز اللى بتبقى على الكاوتش وبعدين هنتكلم على اللى يهمنا منها بالترتيب

فيه رموز مش هذكرها لعدم اهميتها للمستخدم العادى

اولاٌ

تاريخ الأنتاج

فرضاٌ فى الصوره مكتوب 4807

يعنى الأسبوع ال 48 من سنة 2007

48 4 = 12 يعنى الكاوتش ده انتاج شهر 12 سنة 2007

مهم اوى يكون انتاج حديث يعنى نفس سنة الأستخدام

وده لأن الكاوتش يفسد بعد 5 سنين من انتاجه حتى لو لم يستخدم

ويفضل تغييره بعد استخدامه لمسافه 50 الف كيلو مع الحفاظ على تبديل مكان الكاوتش فى العربيه كل 10 آلاف كيلو بطريقة المقص ( نبدل ورا يمين مع قدام شمال والعكس )

طبعاٌ ماركة الكاوتش فارقه كتير بس الأهم من الماركه معاملات الآداء الخاصه بالماركه

يعنى ايه الكلام ده ؟

يعنى مثلاٌ الجوديير من اعرق الماركات العالميه فى الكاوتش والكومهو اقل منها فى الشهره واكيد فى الأسعار تقريباٌ نصف السعر

بس مثلاٌ ال Kumho Ecsta SPT (KU31) بمعاملات آداء ( تماسك tracion AA ومعامل سرعه V )

اعلى بمراحل من الجوديير GT3 بمعاملات آداء tracion A و معامل سرعه T

نفهم من الكلام ده ان اهم معاملين آداء نبص عليهم فى الكاوتش الجديد ال TRACION و معامل السرعه

الصوره بالأعلى موضحه كل رمز سرعه بيدل على سرعه كام

مثلاٌ الرمز V بيدل على سرعه 240 كيلو فى الساعه ودى اعلى سرعه ممكن الكاوتش يتحملها ولفتره قصيره

لذلك انا بفضل اجيب رمز سرعه عالى لأن كل ما زاد معامل السرعه زادت قوة بنية الأطار

اكيد طبعاٌ نقشة الأطار بتفرق

يعنى فى اطارات شتوى و اخرى صيفى واخرى كل المواسم

دى صورة نقشة اطار كل المواسم

ودى صورة نقشة اطار صيفى والفرده دى تحديداٌ انا بفضلها

طبعاٌ احنا بيناسبنا الصيفى اكتر

هنيجى بقى للتركيب على الجنط وده اهم جزء

اى كاوتش جديد عليه علامتين حمراء وصفراء

واختلف الآطباء فى معناهم وفائدتهم فى التركيب

بعد البحث والفحص والتمحيص توصلت الى الآتى

العلامه الحمراء

فى الكاوتش الجديد بتدل على اعلى نقطه فى دوران فردة الكاوتش لأننا عارفين ان مهما كانت جودة صناعه الفرده مش هتبقى بدوران مستوى 100 % لازم يبقى فيها بيضاويه سنه بسيطه اعلى نقطه فى البيضاويه دى بيحددوا مكانها بنقطه حمراء

where a tyre’s high symbol is. Manufacturers typically symbol this indicate with a red dot on a tyre sidewall

يقابل العلامه الحمراء دى نقطه مفحوره فى الجنط بتدل على اوطى نقطه فى دوران الجنط وطبعاٌ لما بنظبط الأتنين على بعض بناخد دوران مكتمل ممتاز وده بيريح جامد اوى فى مشى العربيه

العلامه على الجنط مش بتبقى موجوده الا على الجنوط الآصلى و الجنوط الأسبور النضيفه بس ( تيوانى و بعض الأندونيسى ) لايوجد على الجنوط الصينى اى علامات

اما العلامه الصفراء

العلامه الصفراء على الكاوتش الجديد بتدل على اخف نقطه فى ترصيص الفرده بدون جنط ودى لما بنركب بنظبطها مقابله لمكان البلف فى الجنط لأن مكان البلف هو اتقل نقطه فى داير الجنط لو رصصناه بدون كاوتش
corresponding to a light spot. Typically this is a yellow dot

طيب لما نلاقى الكاوتش الجديد فيه العلامتين الآولويه لمين فى التركيب ؟

العلامه الآهم فى التركيب هى العلامه الحمراء

اما فى حالة عدم وجودها

فنظبط العلامه الصفراء على البلف وبس

ارجو يكون الموضوع اعجبكم وافادكم

و طبعاٌ تحت امركم فى اى استفسار

إعداد عصام غنايم

 



32 ردود على كل شيئ عن الكاوتش بالصور والأرقام

  1. احمد يقول:

    الموضوع رائع فعلا
    بس انت مقلتلناش انت تفضل نشتري ايه في الانواع لو تساوت الكاوتشات في معاملات الاداء؟
    كمان هل ممكن التواصل معاك لاني هاحتاج اشتري كاوتش جديد فلو ظهرت عندي استفسارات اتواصل معاك ازاي .. شكرا

  2. Mahmoud يقول:

    موضوع اكثر من رائع يا باشا , وانا شخصياً استفدت منه كتير …

  3. محمد سامي يقول:

    شكرا على الموضوع القيم بس كنا عايزين افضل الأنواع والفرق بينهم وافضل أماكن الشراء والتركيب والترصيص

    وموقع لعرض اسعار الإطارات والبطاريات

  4. أشرف أبوزيد يقول:

    السلام عليكم و رحمة الله و بركاته
    ماشاء الله لا قوة الا بالله ربنا يزيدك من العلم و جزاكم الله خيرا علي الموضوع المتميز ده و الحقيقة لما قرأته وضحت ليا معلومات جديدة استفدت منها و ان شاء الله يكون في ميزان حسناتك و طبعا كالعادة منتظرين منك مزيد من المعلومات عن تغيير الجنوط من العادي الي الأحدث و مميزات نوع كل جنط عن التاني.
    مرة ثانية جزاكم الله خيرا و زادك من العلم.

  5. Eslam يقول:

    المقال فيه معلومات قيمة جداً
    تحياتى

  6. خالد الانصارى يقول:

    بارك الله فيك تقرير ممتاز فعلان استفدت كتير

  7. سامى محمود يقول:

    ايه الجمال ده

    ده الواحد يجهل امور كثيره فى حياته

  8. islam farghaly يقول:

    تقرير ممتاز …انت استاذ

  9. islam farghaly يقول:

    تقرير ممتاز انت استاذ

  10. هاله احمد يقول:

    انا عربيتى chevrolet sparkغيرت لها كاوتشين 155باتنين165وتركت الاتنين الخلفى 155 هل ده غلط علعربيه

  11. [...] الكاوتش ..حتعرف كل حاجة عن الكاوتشة قبل ما تشتريها) كل شيئ عن الكاوتش بالصور والأرقام welcome 2 NileMotors بس برضو تسلم إيدك ممكن حد ماشافش [...]

  12. سامح يقول:

    موضوع شامل وجامد جدا
    انا بس عندي سؤال لو انا عملت Up-sizing من 175/70R14 ل 195/55R15 هيفضل ال Offset او ال ET زي ما هو ولا هيختلف

  13. معايا عربية كيا سول 2010 والكاوتش 18/ 225 /45 وهذا النوع لا يصلح في شوارع مصر ومكتوب علي قائم العربية الكاوتش البديل 125 /80 /16 ومش لا قي المقاس دة نهائي ممكن الاقية فين

  14. شكرًا جزيلاً وبارك الله فيك… الموضوع رائع ومفيد

  15. أحمد يقول:

    لو سمحت انا عندي دايو ﻻنوس موديل 2001 واطيه جدا وبتحك وتتخبط في اي مطب مهما كان ارتفاعه وعاوز اغير كاوتش بس معرفش اللي فيها مقاس كام وعشان اعليها اركب مقاس كام بحيث يكون مناسب وايه النوع المناسب وبكام لو متوفر المعلومات ؟ وشكرا

    • admin يقول:

      الكاوتش الأصلي 13 70 175
      لو عاوز تعلي الأفضل هيكون هيكون بتغيير السوست بسوستة أطول لكن هتأثر على الثبات
      أو بتغيير المساعدين نفسهم بنوع أخر قابل للتعلية
      لكن لا يُنصح بتركيب علايات على السوست الأصلية لأنها هتأثر بشدة على ثبات السيارة

  16. أحمد يقول:

    معلش انا مش عاوز اعلي بعﻻيات وﻻ سوست وﻻ حاجه عشان زي ما حضرتك قولت الثبات بس اعرف ان ممكن اعلي في مقاس الكاوتش الجديد وخﻻص ايه راي حضرتك اركب مقاس كام وشكرا علي اﻻهتمام

    • admin يقول:

      لو غيرت الكاوتش وركبت كاوتش بأجناب أعلى ممكن تحك في الرفارف لانك هتعلي الكاوتش بدون تعلية السيارة نفسها، غير أن ده هيكون له تأثير على قرأة العداد لعدم الحفاظ على المقاس، مش هينفعك اللعب في مقاس الكاوتش لأن اللانوس اساساً مش عاليه عن الأرض والفروق هتكون ضئيله، لكن قبل إجراء أي تعديلات على العفشة ـاكد أولاً من سلامة السوست والمساعدين، لو السوست أو كما يُطلق عليها “اليايات” مش سليمه العربية ارتفاعها هيوطى عن الطبيعي، ولو المساعدين بهم مشكلة السيارة هتهبد في المطبات والحفر وبالتالي هتحك في معظم المطبات.

  17. أحمد يقول:

    عندك حق انا متشكر جدا ﻻهتمامك فعﻻ منتدي وموقع جميل وان شاء الله هجرب واشوف العفشجي وانقل تجربتي وشكرا مره تانيه لﻻهتمام

  18. [...] المشاركة كل شيئ عن الكاوتش بالصور والأرقام __________________ حمل تولبار نايل موتورز لسهولة التصفح [...]

  19. هيثم عابدين يقول:

    و الله برنس برنس

  20. Ehab يقول:

    السلام عليكم يا أعزائى الكرام..
    أنا مركب جنوط (Alpina “18) فى BMW 316 E36 Coupe موديل 1995 و لكن أبسط مطب ممكن ينييم الكاوتش و لو مطب مش جامد اوى ممكن يعوج الجنط !
    فقررت إنهاء المعاناه دى و إن شاء الله هركب الجنط السبور الإوريجنال مقاس (16″).
    أرجو الإفاده:
    *** ايه أفضل مقاس كاوتش للجنط ال(16″) مناسب لعربيتى,أنا بفكر فى (50/225)؟
    *** ايه أفضل نوع كاوتش (يعيش/ملوش صوت/ناعم فى المطبات/كويس مع الفرامل)؟
    جزاكم الله كل خير …

  21. Mohamed Ali يقول:

    الله ينور عليك وجزاك الله خيرا وبالتوفيق ان شاء الله

  22. خاطر عبده يقول:

    معلومات كامله للكاوتش 16/750 والصينى والكورى واليابانى والهندى والتايلاندى والاسعار شكرا

  23. abdallh يقول:

    موضوووووع راااااااائع بارك الله فيك

  24. [...] من جسم السيارة وقراء ده هينمى معلوماتك عن الموضوع كل شيئ عن الكاوتش بالصور والأرقام http://www.nilemotors.net/Nile/288563-a.html (دليلك بالصور قبل شراء جنوط [...]

  25. أحمد حسين يقول:

    ربنا يبارك فيك

  26. ابو احمد يقول:

    السلام عليكم اولا اشكرك لمجهودك جدا
    وسؤالي :

    لدي سياره شيفورليه لانوس 2010
    وانا مقيم حاليا بالامارات واريد ان اشتري من الامارات كاوتشات جديده
    وجنوط
    كم المقاسات للكاوتش والجنوط التي تناسب السياره
    ولك خالص تحياتي

  27. [...] المشاركة كل شيئ عن الكاوتش بالصور والأرقام الرابط ده حيفيدك بمعلومات كويسه عن الكاوتش كاوتش [...]

اترك تعليقاً

لن يتم نشر عنوان بريدك الإلكتروني.

يمكنك استخدام HTML كعلامات ووسوم: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>